|
Die minister van polisie, Senzo Mchunu, het die kwartaallikse misdaad-statisitek vir die derde kwartaal van die huidige boekjaar bekend gemaak.
Volgens Mchunu word Gauteng, KwaZulu-Natal, die Oos-Kaap en die Wes-Kaap die ergste getref deur misdaad en sal die polisie voortgaan met misdaadvoorkomingsoperasies in dié provinsies.
Mchunu sê daar was ‘n afname in talle misdaadkategorieë soos ‘n afname van 9,8% in moorde van 1 Oktober tot 31 Desember verlede jaar. Al was daar ’n afname in moorde in al die provinsies is die meeste moorde steeds in Gauteng en KwaZulu-Natal gepleeg.
Wat verkragting betref was daar ‘n 3,3% afname terwyl daar ‘n toename was in die voorkoms van aanranding met die opset om ernstig te beseer en opsetlike saakbeskadiging. 4,5% minder veediefstalle is in dié tydperk aangemeld.
Volgens Mchunu is een boer in die betrokke drie maande vermoor. Daar was altesame 12 moorde op plase, wat plaaswerkers wat op plase woon insluit. In een geval is ’n veiligheidswag vermoor.
|
Luister nou
2 Responses
Waar kry hy sy statistieke?
Dankie aan ATT/Bittereinders/Aquafer en Afriforum/Solidariteit vir die hede se geveg teen misdaad in Gauteng.