Volgens die jongste verslag van die 2030 Leespaneel kan 80% van die land se graad 3-leerlinge nie in enige taal met begrip lees nie.
Die verslag word saamgestel uit inligting wat deur die Konsotium vir die Monitering van Onderwysgehalte in Suider-Afrika uitgereik word.
Een van die bevindinge van dié verslag is dat net 20% van graad 3-leerlinge in hulle huistaal met begrip kan lees.
Wat graad 6-leerlinge betref beskik nagenoeg 70% nie oor die nodige leesvaardighede in die taal waarin hulle onderrig ontvang nie.
Die Leespaneel deel leerlinge se leesvermoëns in vier kategorieë:
• Uitmuntend: Slegs 3% van die land se gr. 3’s word beskou as gevorderde lesers.
• Verbeterend: 17% van die gr. 3’s val in die kategorie
• Ontwikkelend: 43% van gr. 3’s voldoen toon vordering
• Beginner: 37% van gr. 3’s sukkel selfs om eenvoudige tekste sonder hulp te lees.
Intussen sê die Solidariteit Skoleondersteuningsentrum (SOS) dat ‘n kind wat nie kan lees nie, nie kan leer nie. Die hoof van ontwikkeling by die SOS, Melanie Buys sê ‘n samelewing wat nie geletterd is nie, bly vasgevang in ‘n bose kringloop van armoede en beperkte geleenthede.
Sy sê kinders se swak leesvaardighede het verreikende gevolge soos lae akademiese prestasie, ‘n hoër risiko van skooluitval, werkloosheid en ‘n ekonomie wat nie groei nie.
Buys sê die verslag toon egter dat die probleem nie by onderwysers lê nie, maar by ‘n gebrek aan opleiding en ondersteuning.
One Response
Hoe moet jy met begin lees as jy woord erkening leer om te lees
Vra hoeveel kan vir jou n woord spel hoeveel ken die alfebet al die nuwe ideas en veranderings maak alles moeiliker kyk na die wiskunde moet 7 my loop om by n antwoord te kom pleks van oorspronklike maklike manier of is ek flippen dom on novel