Die polisie het bevestig dat nóg ’n vrou se liggaam in Dawn Park aan die Oos-Rand gevind is.
Dit bring die aantal vroue wie se liggame sedert Julie in die Ekurhuleni-munisipaliteit gevind is, op nege te staan.
Die vrou is gedeeltelik ontklee gevind, soortgelyk aan van die ander slagoffers.
Ondersoekbeamptes werk daaraan om die skuldige of skuldiges op te spoor.
Daar is wyd bespiegel dat ’n reeksmoordenaar moontlik betrokke kan wees, maar die polisie het dit nog nie bevestig of uitgesluit nie.
Drie families het nou al hul geliefdes geïdentifiseer.
