Marelize Maré
Gewigsverlies-inspuitings kan mense help om aansienlike gewig te verloor, maar nuwe navorsing dui daarop dat skielike staking, veral sonder leefstylveranderinge, tot vinnige gewigstoename kan lei.
Die bevindings spruit uit ’n studie onder leiding van navorsers aan die Universiteit van Oxford, en dra by tot die debat oor die langtermynrol van sogenaamde GLP-1-gewigsverliesmiddels.
Volgens die studie word beraam dat mense wat gewigsverliesmedikasie staak, binne ’n jaar en ’n half weer hul oorspronklike gewig kan bereik.
In teenstelling hiermee word voorspel dat mense wat tradisionele gedragsgebaseerde gewigsverliesprogramme volg, die gewig eers ná vier jaar sal herwin.
Kenners sê toekomstige navorsing moet fokus op hoe gewigsverlies volhoubaar gehandhaaf kan word, eerder as om net op korttermynmedikasie staat te maak.
Fotokrediet: Marc Bruxelle/Shutterstock
Luister hier: https://open.spotify.com/episode/4XC4w8wTGsULuskmwaLwNO?si=91ef143d0af6446d
