’n Brand by die Aston Manor 66 kV-substasie het groot dele van Kempton Park sonder elektrisiteit gelaat. Gebiede soos Birchleigh, Glen Marais, Norkem Park, Glen Erasmia, Allen Grove, Van Riebeeckpark, Bonaero Park en Pomona is geraak.
Die Ekurhuleni-metro sê herstelwerk is aan die gang en krag word stelselmatig herstel, maar sommige gebiede, insluitend dele van Glen Marais, kan moontlik eers teen môre weer elektrisiteit hê.
Die oorsaak van die brand is glo weens wydverspreide kragonderbrekings, terwyl sekere ander gebiede net deur ’n kragonderbreking geraak is en reeds weer gekoppel is.
Die VF Plus-raadslid Jéan Kriek meen die probleem hou verband met jarelange swak instandhouding van die metro se elektrisiteitsnetwerk. Hy sê kabels in die gebied is dekades oud en waarsku dat soortgelyke onderbrekings in die toekoms waarskynlik sal voortduur indien daar nie in infrastruktuur belê word nie.
