Aandelemarkte wêreldwyd het ‘n skerp ommekeer gemaak nadat die VSA se president, Donald Trump, ‘n 90 dae lange pouse aangekondig het vir invoertariewe – behalwe vir prudukte van China af – waarop die heffing nou tot 125% verhoog is.
Die Dow Jones het met byna 3 000 punte gestyg, terwyl die NASDAQ byna 2 000 punte hoër was – wat die grootste eendagpuntstygings nog ooit vir albei dié indekse was.
Die S&P 500 het 9,5% hoër gesluit op een van sy beste dae sedert 2008.
Op die plaaslike mark het die rand se waarde teenoor die dollar met 60-sent gestyg nadat vroeër op Woensdag ‘n nuwe rekord-laagtepunt bereik het.
Teen 17:05 op 9 April het die rand ‘n hoogtepunt van R19,87 teen die dollar bereik. Na Trump se aankondiging het die rand om 20:25 teen R19,26 teen die dollar verhandel. Teen 09:04 vanoggend (10 April) verhandel die rand R19,30 teen die dollar.
