Drie mans is vanoggend in die hooggeregshof in Polokwane/ Pietersburg skuldig bevind aan die moord op ‘n 35-jarige boer van Roedtan in Limpopo.
Nicci Janse van Rensburg is op 7 Oktober 2022 op die plaas, Derdekraal in Roedtan doodgeskiet.Albert Mangena, Velly Segwale, albei 35 jaar oud, en die 45-jarige Lesiba Segwale is skuldig bevind en het geen emosie getoon nie.
LEES OOK: Honderde boere kom in Roedtan saam vir bewusmaking oor plaasaanvalle
Janse van Rensburg se dood het op 24 Oktober 2022 tot ‘n saamtrek in Roedtan gelei, terwyl die verdagtes vir die eerste keer in die hof verskyn het.
Pretoria FM het ook die optog bygewoon en is onder meer per helikopter gewys hoeveel mense wel met vragmotors, trekkers en bakkies opgedaag het om op te staan teen plaasmoorde.
Genoeg is genoeg: is die boodskap wat honderde mense, insluitend boere en verteenwoordigers van politieke partye, tydens die optog wou oordra.
Foto: Skermskoot van Netwerk24-video
