Vicki Terblanche se kêrel ten tyde van haar dood, Reinhardt Leach, is vanoggend tot 25 jaar gevangenisstraf gevonnis vir haar moord.
Leach is Woensdag daaraan skuldig bevind dat hy aandadig was aan dié moord in Oktober 2021 in Port Elizabeth.
LEES OOK: Vicki Terblanche se kêrel skuldig bevind aan haar moord
Hy is die tweede persoon wat in verband met haar dood gevonnis is nadat Dylan Cullis vroeër tot agtien jaar gevangenisstraf gevonnis is, nadat hy ‘n pleitooreenkoms met die staat aangegaan het.
‘n Derde verdagte – Terblanche se vervreemde man, Arnold – sal later vanjaar afsonderlik verhoor word nadat hy daarvan beskuldig is dat hy vir Leach en Cullis geld aangebied het om haar te vermoor.
