‘n Verdagte in die moordsaak van Getuie D wat voor die Madlanga-kommissie getuig het, het in die Brakpan-landdroshof beweer dat ’n voormalige polisie-reservis die slagoffer dood wou hê.
Die beskuldigde, Matipandile Sotheni, het tydens sy borgtogaansoek aangevoer dat die ontslape SAPD-reservis, Wiandre Pretorius, glo die moord op Marius van der Merwe wou laat uitvoer.
Van der Merwe is verlede jaar voor sy huis in Brakpan in die teenwoordigheid van sy gesin doodgeskiet.
Sotheni ontken egter enige betrokkenheid en sê hy het bloot vir Pretorius geken, wat later glo selfdood gepleeg het nadat hy in die ondersoek geïmpliseer is.
Die saak is Donderdag uitgestel.
