Die Suid-Afrikaanse Demokratiese Onderwysersunie, SADTU, doen ’n beroep op president Cyril Ramaphosa om teen die minister van Basiese Onderwys, Siviwe Gwarube, op te tree.
Dit hou verband met die voortgesette opskorting van die nuwe handboek-katalogus vir die Grondslagfase, Graad Een tot Drie.
SADTU sê ondersoeke het bevind dat daar geen ongerymdhede in die verkrygingsproses was nie.
Die vakbond beskuldig Gwarube van politieke inmenging en sê dit kan transformasie en kleiner uitgewers benadeel.
SADTU sê die katalogus moet onmiddellik geïmplementeer word en waarsku dat hy nie verdere vertragings sal aanvaar nie.
