17 Desember 2024
Twee vermeende dwelmsmokkelaars sal later vandeesweek in die landdroshof in Ekurhuleni verskyn nadat hulle die afgelope naweek met dwelmmiddels op die OR Tambo-internasionale lughawe betrap is.
Die Brasiliane – onderskeidelik 30- en 35 jaar oud – het op dieselfde vlug van São Paulo, in Brasilië, die land binnegekom.
Die polisie se luitenant-kolonel Amanda van Wyk sê die een verdagte is betrap met meer as vier kilogram kokaïne in sy bagasie.
Sy sê ‘n mediese X-straal het getoon dat die ander smokkelaar pakkies van dié dwelmmiddel ingesluk het.
