Sterrekundiges het twee reusagtige eksoplanete ontdek wat byna so groot soos Jupiter is, maar só ‘n lae digtheid het dat hulle met spookasem vergelyk kan word.
Die planete, wat sowat 1100 ligjare van die Aarde af is, laat wetenskaplikes kopkrap oor hoe hulle steeds bymekaar bly en nie eenvoudig uitmekaar val nie.
Die Kaapse afdeling van die Sterrekundevereniging van Suider-Afrika sê die ontdekking beklemtoon hoe moderne teleskope, soos die James Webb Ruimte-teleskoop, nuwe insigte oor die heelal moontlik maak.
