President Cyril Ramaphosa het die spertyd van die Madlanga-kommissie van ondersoek na korrupsie en misdadigheid in die strafregstelsel verleng.
Die paneel, wat hul werk teen die einde van Augustus moes afhandel, het nou tot 16 November vanjaar om hul finale verslag in te dien. Nuwe getuienis kan tot 2 Oktober aangehoor word.
Volgens die presidensie is dié bykomende tyd nodig sodat die kommissie ál die sake op sy agenda na behore kan hanteer en alle werksaamhede kan afrond.
Ramaphosa het sy waardering teenoor die ondersoekspan uitgespreek vir hul deeglike werk en het die Suid-Afrikaanse Polisiediens bedank vir hul flink optrede na aanleiding van die getuienis wat tot dusver gelewer is.
