13 Desember 2024
Die minister van polisie, Senzo Mchunu sê privaat veiligheidsmaatskappye verloor heelwat meer vuurwapens as wat polisiebeamptes doen.
In antwoord op ‘n vraag deur Rise Mzansi se Makashule Gana, sê Mchunu dat daar net meer as 126 000 vuurwapens deur dié ondernemings besit word.
1 646 daarvan is in die vorige geldjaar óf gesteel óf het verlore geraak.
In die eerste helfte van die 2024/25-geldjaar is daar 847 vuurwapens van privaat-veiligheidsondernemings as vermis aangemeld – rofweg vyf per dag – teenoor die polisie se 371 in dieselfde tydperk – wat op ongeveer twee per dag neerkom.
