19 November 2024
Die skoolbeheerligaan van die Pretoria High School for Girls (PHSG) sê hy het met ‘n regsgeding begin oor die verslag van die Gautengse onderwysdepartement wat handel oor beweerde rassisme by dié skool.
In ‘n verklaring sê die liggaam dat die regsgeding meerdoelig is en dat een van die doelstellings is dat die verslag – wat deur Madladlamba Prokureurs opgestel is – aan die skool beskikbaar gestel word.
Dit is nie bekend waarom die verslag – waarvan die gevolgtrekkings deur die LUR vir onderwys, Matome Chiloane, tydens ‘n openbare geleentheid beskikbaar gestel is – nie aan die skool beskikbaar gestel word nie.
LEES OOK: PHSG: Ondersoekspan beveel aan dat hoof, adjunk van wangedrag aangekla word
Die beheerliggaam vra ook die hof dat die departement verhoed moet word om enige voorstelle uit dié verslag in werking stel.
Madladlamba Prokureurs is deur die Gautengse onderwysdepartement aangestel om talle bewerings van rassisme by die skool te ondersoek. Dit het begin by ‘n WhatsApp-groep waarop 12 wit meisies glo hulle swart mede-leerlinge bespreek het.
Hierdie leerlinge is tydens ‘n tug-proses onskuldig bevind.
