Die polisie in die Tshwane-metro ondersoek ’n ontploffingsvoorval wat vroeg vanoggend by die Woolworths-winkel in Menlyn-winkelsentrum plaasgevind het.
Volgens voorlopige inligting is ’n onbekende ploftoestel omstreeks een-uur vanoggend binne die winkel geaktiveer.
Nooddienste en polisie-eenhede, insluitend die bomverwyderingseenheid en speurders, is na die toneel ontplooi.
Vyf werkers was tydens die voorval in die winkel, maar niemand is beseer nie.
Slegs voedsel items en rakke is tydens die voorval beskadig.
’n Saak ingevolge die Wet op Ontplofbare Stowwe word ondersoek.
