5 Augustus 2025
Die MK-party het ‘n wetsontwerp ingedien wat voorstel dat alle grond in die land onder die staat se bestuur geplaas word.
Oudpresident Jacob Zuma se party beoog hiermee om nie net weg te doen met privaat eienaarskap van grond nie, maar ook met alle wetgewing wat onteiening met vergoeding raak.
In dié voorgestelde wetgewing stel die MK-party voor dat tradisionele leiers wél die bestuur van tradisionele grondgebied sal behartig, maar daar word nie verduidelik wat dié voorstel alles behels nie.
‘n Tweederde-meerderheidsteun in die parlement sal nodig wees om sodanige wysigings aan die Grondwet aan te bring.
Die MK-parlementslid, Mzwanele Manyi – een van die beweerde staatskapers – se privaatledewetsontwerp wat beoog om Artikel 25 van die Grondwet te wysig is in die Staatskoerant gepubliseer vir openbare insette.
Die idee is glo om geskiedkundige ongeregtighede wat grondonteiening betref – wat tot 6 April 1652 terugdateer – reg te stel.
Fotokrediet: Darren Stewart/Gallo Images
2 Responses
Hierdie mense is baie snaaks. Ek kan lekker lag vir hulle.
Hulle kan nie eers dit wat hulle het in stand hou nie, hoe gaan hulle alles in stand hou.
Seker n …… grappie ou stortkop.