Die jongste Sanlam Benchmark-meningsopname toon dat Suid-Afrikaners té laat vir hul aftrede begin beplan.
Volgens die verslag is die meeste individue in hul middel dertigs van mening dat aftreebeplanning noodsaaklik is, maar hulle tree telkens eers ongeveer drie jaar voor die beëindiging van hul loopbane met hul aftreefondse in verbinding.
Die verslag toon voorts dat slegs 40% van die teikenmark die amptelike aftreeouderdom finansieel onafhanklik haal, terwyl byna die helfte vrees dat hul kapitaal uitgeput sal raak.
Boonop het net 57% professionele finansiële raad ingewin.
Volgens die verslag sukkel meeste afgetredenes steeds met skuld en moet hulle noodsaaklike uitgawes soos kos en mediese versekering besnoei.
Sanlam sê dat vroeë beplanning van kardinale belang is.
