Die minister van landbou, John Steenhuisensê sy hoogste prioriteit tydens die komende week se besoek aan die VSA sal wees om handelsverhoudinge tussen dié twee lande te versterk.
Hy is ingesluit by ‘n afvaardiging – onder leiding van president Cyril Ramaphosa – wat met die VSA se president, Donald Trump, en ander hooggeplaaste amptenare gaan vergader.
Steenhuisen sê dit is belangrik om handelsverhoudinge tussen dié twee lande te verstewig om werksgeleenthede te beskerm.
Volgens hom vorm landbou ‘n integrale deel van die ekonomie en kan dit gebruik word om die hoë werkloosheidsyfer onder bedwang te bring.
Intussen sal Ramaphosa na verwagting later vandag in Washington, D.C., aankom.
Dié vergadering word ook gesien as ‘n geleentheid om die strategiese verhouding tussen Washington en Pretoria te herstel en die Trump-administrasie tot dieper betrokkenheid binne die G20 te trek.
