Inwoners in dele van Centurion is steeds sonder krag nadat ‘n brand meer as 10 dae gelede by die Brakfontein-substasie in Rooihuiskraal uitgebreek het.
Talle inwoners, wat sedert die brand sonder krag sit, het vanoggend betoog weens hulle frustrasie.
Die VF Plus-raadslid in die Tshwane-metro, Lenor Janse van Rensburg, sê die party verstaan inwoners se frustrasie, maar meen geweld gaan nie die probleem oplos nie en vertraag eerder die herstelproses aan die substasie.
Sekere gedeeltes van Centurion, insluitend Mall@Reds, Amberfield I en Amberfield II en dele van Rooihuiskraal-Noord se kragtoevoer is herstel. Rooihuiskraal-uitbreiding 5 en Heuweloord is egter steeds sonder krag.
Die burgemeester in die Tshwane-metro, dr. Nasiphi Moya, het verlede Vrydag, 11 April, die substasie besoek en inwoners verseker dat die hele gebied se krag teen die aand herstel sal wees, wat egter nie die geval was nie.
Janse van Rensburg sê weens die leë belofte het inwoners ‘n afleweringsvoertuig, wat nuwe kabels vervoer, toegang tot die substasie geweier. Dit het die herstelproses met vyf ure vertraag.
In Heuweloord het ontstoke inwoners vanoggend plaveistene na motoriste op die R55 gegooi. Volgens Janse van Rensburg neem herstelwerk aan so ʼn groot substasie gewoonlik nie minder as 14 dae nie.
Die oorsaak van die brand is nog nie vasgestel nie.
#PowerUpdate: Brakfontein Substation power outage and restoration progress.
The next update will be at 18:00 pic.twitter.com/xjx96z2MGD— City of Tshwane (@CityTshwane) April 14, 2025
One Response
Daar is iets wat ek nie vestaan nie en sal dit waardeer as iemand aan my kan verduidelik. Ek verstaan die mense is moerig vir die regering vir wie hulle gestem het. Ek verstaan nie hoekom onskuldige motoriste daaronder moet ly? Is die IK’S wragtig so laag?