Die noodlenigings Gift of the Givers sê sy soek-en-reddingspanne staan gereed om na Nepal ontplooi te word nadat verwoestende vloede verskeie mense vermis gelaat het, onder wie twee Suid-Afrikaanse egpare.
Die organisasie is deur die dogter van een van die vermiste Suid-Afrikaanse paartjies genader.
’n Toeroperateur het later bevestig dat ’n tweede Suid-Afrikaanse egpaar, saam met verskeie buitelandse toeriste, ook vermis word.
Gift of the Givers het 11 stedelike soek-en-reddingspesialiste, vier SAPD-hondehanteerders en vier soekhonde gereed vir ontplooiing.
Die stigter van die organisasie, Imtiaz Sooliman sê hulle skakel met die Nepalese ambassade en het ook kontak met Nepalese rampbestuur-amptenare.
