10 Desember 2024
Die Padongelukkefonds (POF) waarsku mense om nie hulself voor bewegende voertuie in te gooi nie.
Die POF sê daar is ‘n groeiende tendens van mense wat doelbewus voor bewegende voertuie inbeweeg, in ‘n poging om van die fonds te eis. Volgens ‘n verklaring wag mense vir motors om stadiger te ry, sodat hulle nie doodgery word nie.
Die POF sê die optrede is gevaarlik, en plaas onnodige druk op die assessors wat sulke eise moet nagaan.
Die fonds voeg by dat hy nie eise uitbetaal aan iemand wat met opset homself beseer nie, selfs al is die beserings ernstig van aard. Indien die betrokke persoon oorlede is, kan sy/ haar naasbestaandes ook nie eis nie.
Volgens die POF is 49 631 eise in die 2021/2022- en 2023/2024-boekjaar van die hand gewys.
