Die Gautengse premier, Panyaza Lesufi sal na verwagting vandag sy provinsiale rede lewer.
Vanaand se rede sal by die Nasrec Expo Sentrum in Johannesburg plaasvind en sal na verwagting veral oorheers word deur die weermag se ontplooiing in die provinsie.
Die DA in Gauteng het die premier intussen gemaan om sy lugkastele van die vorige provinsiale redes te laat vaar en op die basiese aspekte van provinsiale regering te fokus.
Die MK-party beplan intussen om van Soweto na Narec op te ruk om teen die rede te betoog.
Die party meen dit is ‘n doellose geleentheid en ‘n platform vir leë beloftes.
