Marelize Maré
Die DA eis dat die minister van internasionale betrekkinge en samewerking, Ronald Lamola, Iran by die Verenigde Nasies se Menseregte Raad aangee, nadat meer as 2-duisend mense tydens grootskaalse betogings teen die regering dood is.
Die party sê Iran moet aangegee word weens sy onbeskaamde oortreding van mense regte in sy pogings om die oproer in die kiem te smoor.
Die party is ontevrede nadat die ANC gevra het vir optrede teen die VSA oor sy onlangse inval in Venezuela, maar nie dieselfde gereageer het tydens Rusland se inval in Oekraïne nie.
Die teenwoordigheid van Iran se oorlogskepe in Suid-Afrikaanse waters vir ‘n weermagoefening het intussen internasionale aandag getrek en die VSA president Donald Trump het gedreig om handelstariewe van lande wat met Iran sake doen, te verhoog.
