Eskom sê Gauteng sal van 7 tot 13 April steeds geskeduleerde kragonderbrekings ervaar.
Die onderbrekings sal vier tot vyf uur per sessie duur en raak die oggend- en aand-spitstye.
Volgens Eskom fokus die lasvermindering op netwerke wat onder druk is weens onwettige aansluitings en oorlading.
Gebiede wat vandeesweek geraak word, sluit onder meer Dobsonville, Mabopane, Evaton, Diepkloof, Vosloorus, Katlehong, Winterveldt, Vereeniging en Sebokeng, in.
Die volledige skedule vir April is op Eskom se webwerf beskikbaar.
