Die voorsitter van die Parlement se Portefeuljekomitee oor Korrektiewe Dienste, Kgomotso Ramolobeng sê die aantal buitelandse burgers in Suid-Afrika se tronke bly kommerwekkend.
Volgens departementele syfers is daar tans 27 880 buitelandse gevangenes, insluitend 14 614 wat nog verhoor moet word en 13 266 wat reeds gevonnis is.
Ramolobeng sê wetgewende hervormings en sterker bilaterale ooreenkomste kan help om veroordeelde buitelandse gevangenes na hul lande van herkoms terug te stuur om hul vonnisse uit te dien.
Sy sê Suid-Afrika het onlangs ’n ooreenkoms met Botswana onderteken wat die oordrag van gevangenes moontlik maak, maar verdere wysigings aan wetgewing is nog nodig.
