Die DA in Gauteng sê die sluiting van die ongevalle-eenheid by Helen Joseph-hospitaal in Johannesburg plaas pasiënte se lewens in gevaar.
Volgens die party word pasiënte aangeraai om eerder ander hospitale te besoek omdat daar glo ’n tekort aan mediese personeel is.
Die DA beweer sommige dokters werk sedert April sonder kontrakte of betaling, terwyl minstens twee dokters reeds die hospitaal verlaat het.
Die party doen ’n beroep op Gauteng se gesondheidsdepartement om die personeel- en kontrakprobleme dringend op te los.
Die DA sê ’n tekort aan personeel behoort nie daartoe te lei dat pasiënte noodbehandeling ontsê word nie.
