Die DA sê hy is die afgelope twee jaar uitgesluit van pogings om hervormings by die Openbare Beleggingskorporasie, of die OBK, deur te voer.
Die party berei nou ‘n wetsontwerp voor om die korporasie se bestuur te versterk en aanbevelings van die Mpati-kommissie in wetgewing te omskep.
Dit volg nadat die OBK se uitvoerende hoof en hoofbeleggingsbeampte onlangs geskors is te midde van bewerings deur ‘n fluitjieblaser.
Die DA sê die wetsontwerp is daarop gemik om die pensioenfondse van meer as ‘n miljoen staatsamptenare beter te beskerm.
