Statistiek Suid-Afrika sê die land se amptelike werkloosheidskoers het in die eerste kwartaal van 2026 met 1,3% gestyg tot 32,7 %.
Volgens die jongste Kwartaallikse Arbeidsmagopname het die aantal werklose mense met 301 000 toegeneem, terwyl die aantal werkende mense met 345 000 afgeneem het.
Die grootste werksverliese is in die diens- en konstruksiesektore aangeteken.
Jeugwerkloosheid bly die hoogste onder mense tussen die ouderdom van 15 en 24 jaar, waar dit nou op 60,9% staan.
Die uitgebreide werkloosheidskoers, wat mense insluit wat moed opgegee het om werk te soek, het tot 43,7% gestyg.
