Marelize Maré
Die voormalige Suid-Afrikaanse rugbyspeler, Hennie van Zyl is gisteraand vermoedelik aan hartversaking in die ouderdom van 89-jaar oorlede.
Volgens sy susterskind, ds. Peter Stans, is hy die afgelope tyd in ‘n versorgingsoord in Johannesburg versorg.
Van Zyl was ‘n vleuel en het sy provinsiale debuut in 1959 vir Transvaal gemaak.
Hy het tien toetse vir die Springbokke gespeel en gehelp dat die Springbokke Nieu-Seeland in 1960 op Ellispark ‘n bloedneus gee.
Hy het die Springbokke egter in 1962 vir die rugbyliga verruil en het later die onder-21-Transvaalse Rugbyspan afgerig.
Hy laat sy vrou, Tillie, sy dogter, Michelle en seun, Deon asook twee kleinkinders agter.
Die begrafnisreëlings sal later bekend gemaak word.
Fotokrediet: SupaRugby
