16 Julie 2025
Vertroue in die Suid-Afrikaanse Polisiediens het tot ‘n rekordlaagtepunt gedaal, met slegs 22% van Suid-Afrikaners wat vertroue in die instelling toon.
Dié bevindings is vervat in ’n meningsopname van die Raad vir Geesteswetenskaplike Navorsing, die RGN.
Die RGN-navorser, dr. Ngqapheli Mchunu het die data as ontstellend beskryf én as ’n aanduiding van ’n algehele wegkalwing van vertroue in openbare instellings.
Die verslag dui daarop dat die openbare vertroue in die polisie vir meer as ’n dekade op ’n afnametrajek is, met ’n duidelike tuimeling kort ná die Marikana-insident in 2012 en die Julie-onluste in 2021.
Die data dui verder aan dat die lae vertrouevlakke regstreeks met misdaad, mense se slegte ervarings met die polisie en die afwesigheid van sigbare geregtigheid verband hou.
Gauteng en KwaZulu-Natal is uitgewys as die provinsies met die laagste vlakke van vertroue wat op 18 persent staan.
One Response
Dis baie sleg en jammer vir elke polisiebeampte wat hul bes lewer, maar ondermyn work deur kollegas wat eerder misdrywe sal pleeg, terqyl hulle in hul uniform is.
Dan ook….baie dankie SAPD bestuur vir jul swak leiding en kriminele gedrag.