7 Februarie 2025
Die e-vervoerdiens, Wanatu, sê hy rig ‘n ope uitnodiging aan alle ander e-vervoerdiensbestuurders, om by Wanatu se “Hoftu-aksie” teen verkeersowerhede aan te sluit.
Dit kom nadat Wanatu Woensdag, 5 Februarie, aangekondig het dat hy sy dienste tydelik staak nadat twee van die diens se voertuie deur die Tshwane-metro geskut is. Wanatu is tans in ‘n stryd gewikkel met ‘n afdeling binne die departement van vervoer in Gauteng oor sy permitte.
LEES OOK: Wanatu hoftu
Die hoof uitvoerende beampte van Wanatu, Judith van der Walt het vroeër gesê hulle is van mening dat die voertuie onwettig geskut is.
Volgens Van der Walt nooi hulle e-taxidiensbestuurders van verskillende dienste, insluitend Bolt, Uber en inDrive om deel van die “Hoftu-aksie” te word. Sy sê dat Wanatu sedert die amptelike bevestiging van die maatskappy se registrasie in Oktober 2024 sonder probleme sake gedoen het, maar nou oënskynlik geteiken word.
“Ons is tans besig om die nodige dokumente te finaliseer, en belangstellendes kan ons kontak per e-pos by [email protected].,” sê Van der Walt.
