Ten spyte daarvan dat die Vrystaatse onderwysdepartement die grootste toewysing in dié provinsie se begroting kry, wil dit voorkom asof daar steeds ‘n begrotingstekort is.
Die provinsie het in totaal R45,8-miljard in die huidige boekjaar gekry om sy dienste te lewer.
Volgens die VF Plus LPW, Armand Cloete, sal die toewysing van R18,8-miljard vir die 2025/2026-boekjaar steeds tot ‘n agterstand van R1,6-miljard-rand lei.
Cloete sê dit word veroorsaak deur ‘n oortrokke bankrekening van R660-miljoen asook agterstallige voordeel-betalings aan derde partye – ter waarde van R960-miljoen.
Volgens Cloete vrees hy watter uitwerking hierdie agterstand op onderwys in die Vrystaat gaan hê. Hy meen indien die Wysigingswet op Basiese Onderwyswette (Bela) Graad R verpligtend maak, sal nog onderwysers aangestel moet word, wat die provinsiale onderwysdepartement baie geld gaan kos.
