Die Pretoriase Hooggeregshof het die aansoek van oud-minister Nosiviwe Mapisa-Nqakula – om toegang tot die ondersoek-dokumente van haar korrupsiesaak te kry, verwerp.
Mapisa-Nqakula het aansoek gedoen dat die staat ‘n sekere deel van die polisiedossier aan haar verskaf.
Sy staan tereg op 12 aanklagte van korrupsie en een van geldwassery. Daar word beweer dat sy, toe sy die minister van verdediging was, omkoopgeld ten bedrae van R4,5-miljoen van ‘n kontrakteur gevra en gekry het.
Regter Mokhine Mosopa het in sy uitspraak gesê haar motivering vir die oorhandiging van die dokumente is blote raaiskote. Hy sê die Hof moet waak teen die risiko dat dit die Staat se saak benadeel.
FOTO: KAYA NEWS
