Die VF Plus het sy skok uitgespreek nadat die minister van landbou, John Steenhuisen, die vooraanstaande veearts, dr. Danie Odendaal se lidmaatskap van die ministeriële taakspan vir staatsbeheerde siektes beëindig het.
Steenhuisen voer aan dat Odendaal versuim het om ’n vertroulikheidskontrak te onderteken, wat tot sy onmiddellike skorsing gelei het. Odendaal, ’n kenner wat sedert 2016 deurslaggewende hulp met bek-en-klouseer verleen, was onlangs uitgesproke oor die staat se trae hantering van epidemies.
Dr. Danie Odendaal
Volgens die VF Plus se woordvoerder oor landbou, dr. Wynand Boshoff is die skuif ’n aanval op Odendaal se kundigheid eerder as ’n administratiewe kwessie. Volgens die VF Plus benadeel hierdie besluit die land se stryd teen aansteeklike siektes.
Fotokrediet: Gallo Images / Siyabonga Sokhela
