Die VSA president Donald Trump het gisteraand laat aangekondig dat hy die skietstilstand met Iran verleng om meer tyd vir onderhandelinge te gee, maar sê hy sal die vlootblokkade van die land se hawens handhaaf.
Amerika blokkeer Iranse skepe wat die Straat van Hormoes wil verlaat.
Iran het gisteraand nie op die aankondiging gereageer nie, maar die Islamitiese Revolusionêre Wagkorps het by monde van sy nuusagentskap gesê Iran het nie gevra vir ‘n verlenging van die skietstilstand nie en het dreigemente herhaal om met geweld deur die Amerikaanse vlootblokkade te breek.
