’n Nuwe verslag deur die 2030-Leespaneel het onthul dat slegs 30% van leerlinge in die grondslagfase op die aanvaarbare vlak in hul moedertaal kan lees.
Volgens die data kan tot ’n kwart van graad 3-leerlinge in sekere taalgroepe nie ’n enkele woord uitspel nie. Die verslag het verder getoon dat 15% van leerlinge nul op hul leesassesserings behaal het.
Die voormalige adjunkpresident van die paneel, Phumzile Mlambo-Ngcuka, sê dié bevindinge beklemtoon waar daar dringende ingryping nodig is, maar ook op suksesverhale dui.
Volgens dié verslag – wat alle huistale getoets het – is die Wes-Kaap en KwaZulu-Natal die provinsies wat die beste presteer het.
Mlambo-Ngcuka sê dat dié nuwe insigte noodsaaklik is om dringende hulp te verleen waar die onderwysstelsel tekort skiet.
Fotokrediet: iStock
