President Cyril Ramaphosa sal aanstaande week die nuwe King Nyabela-hospitaal in Middelburg, Mpumalanga, amptelik open.
Die 220 bed-hospitaal vervang die ou Middelburg-hospitaal en is sedert 2017 in aanbou.
Die vlak 1-distrikshospitaal beskik oor afdelings vir onder meer interne geneeskunde, chirurgie, pediatrie, verloskunde en ginekologie, asook ‘n 24-uur-ongevalle-eenheid en drie moderne teaters.
Die Presidensie sê die nuwe fasiliteit sal toegang tot gesondheidsorg in die Nkangala-distrik verbeter en is deel van die regering se belegging in openbare gesondheidsinfrastruktuur.
