Die Onafhanklike Verkiesingskommissie, of OVK, sê die finale kiesersregistrasienaweek was ‘n sukses, met goeie logistieke en operasionele ondersteuning landswyd.
Die OVK sê kiesers kan steeds aanlyn of by plaaslike OVK-kantore registreer of hul besonderhede opdateer totdat die verkiesingsdatum amptelik afgekondig word.
Die minister van Samewerkende Regering en Tradisionele Sake, Velenkosini Hlabisa, sê hy sal 4 November amptelik as die datum vir die plaaslike regeringsverkiesing afkondig.
Die kieserslys sal om middernag op die dag van die afkondiging sluit.
