14 November 2024
Die ontbinde liggaam van ‘n onwettige mynwerker is by die Stilfontein-myn in Noordwes na die oppervlak gebring.
Vrywilligers het vandag die polisie gehelp om die sogenaamde zama zamas uit die myn te verwyder.
Dit volg nadat daar gister vyf mynwerkers uit dieselfde myn gehaal is.
Volgens berigte is duisende onwettige mynwerkers nog ondergronds by die Stilfontein-myn.
Volgens die vrywilligers oorleef die zama zamas al vir maande ondergronds, en eet tandepasta gemeng met sout en asyn om aan die lewe te bly.
‘n Gemeenskapleier in die omgewing, Thembile Botman, sê die onwettige mynwerkers wil uit die myn kom, maar het nie noodwendig die energie om na die oppervlak te kom nie.
FOTO: CNN
