Die VF Plus se burgemeesterskandidaat vir Tshwane, Willie Spies, beskuldig die Tshwane-metro van nalatigheid ná die dood van ‘n rugbyondersteuner buite Loftus Versfeld.
Volgens Spies het die 51-jarige Hugo van der Berg van Secunda ná Saterdag se Springbok-toets in ‘n oop uitgrawing in Lynnwoodweg geval en noodlottige beserings opgedoen.
Hy voer aan dat die konstruksieterrein nie behoorlik afgesper of beveilig was nie en sê die metro en die betrokke kontrakteur moet aanspreeklik gehou word.
Die polisie ondersoek die voorval.
