Meer as 100 mense is die afgelope week in die Wes-Kaap vermoor, terwyl bendegweld steeds gemeenskappe teister.
‘n 18-jarige meisie van Mitchells Plain is onder die slagoffers.
Gemeenskapsleiers sê al word daar daagliks in hegtenisnemings gemaak en al word daar op vuurwapens en dwelms beslag gelê, is dit nie genoeg om die geweld te stuit nie.
Meer as ‘n dosyn tieners is vandeesmaand doodgeskiet, en daar is kommer dat al hoe jonger mense by bendes betrokke raak.
Die nuwe Wes-Kaapse polisiekommissaris sê die bekamping van bendegweld is sy hoogste prioriteit en dat ‘n plan reeds in werking gestel is.
