Die kabinet sê Suid-Afrika het niks om weg te steek nie en sal ’n verslag aan die Afrika-unie voorlê oor die onlangse protesoptogte teen ongedokumenteerde buitelanders in die land.
Die minister in die presidensie, Khumbudzo Ntshavheni, sê hoewel daar wettige betogings kan wees, is daar volgens die regering geen bewyse van aanvalle wat met vreemdelinge-haat verband hou nie.
Sy reageer op berigte dat Ghana die saak na die Afrika Unie verwys het vir bespreking.
Ntshavheni sê Suid-Afrika se immigrasiewette moet gehandhaaf word en dat wetstoepassing toegelaat moet word om op te tree teen onwettige immigrasie en misdaad.
Sy sê ook die regering is bereid om sy posisie te verdedig indien die AU die saak op die agenda plaas.
