Die geskorsde adjunkhoof van die Ekurhuleni-metropolisie, Julius Mkhwanazi, is tydens ‘n operasie van die Kommissie se Aanbevelings-taakspan in hegtenis geneem.
Hy is een van vier huidige en voormalige werknemers van die Ekurhuleni-metro wat oornag aangekeer is.
Die voormalige stadsbestuurder van Ekurhuleni, Imogen Mashazi, is ook beveel om haar by haar naaste polisiestasie aan te meld.
Mkhwanazi is reeds op borgtog van R30 000 in ‘n afsonderlike saak waarin hy en die munisipale bestuurder, Kagiso Lerutla, van bedrog, korrupsie en regsverydeling beskuldig word.
