Wanneer mense oor hul finansiële toekoms dink, gaan die gesprek gewoonlik oor aftrede, beleggings en hoeveel geld gespaar moet word. Dit is natuurlik belangrik, maar daar is nog ’n deel van finansiële beplanning wat dikwels afgeskeep word: die beskerming van die bates waarvoor jy jare lank gewerk het, nl. batebeskermingsversekering.
Dink net daaraan. Jy betaal oor dekades aan ’n huis af, koop meubels, verbeter jou eiendom en skaf waardevolle besittings aan. Dan gebeur die ondenkbare: ’n brand, storm of ander ramp, en skielik ontdek jy jou eiendom is onderverseker. Op daardie oomblik beteken ’n mooi beleggingsportefeulje min as jy daarvan moet gebruik om jou huis of besittings te vervang.
Een van die grootste redes hiervoor is dat boukoste jaar na jaar styg. Materiaal, arbeid en herstelwerk kos vandag aansienlik meer as ’n paar jaar gelede. Tog bly baie mense se versekerde waardes onveranderd. Hulle aanvaar dat die jaarlikse premie-aanpassing voldoende is, terwyl dit nie altyd tred hou met die werklike koste om ’n huis of gebou weer op te rig nie.
Dit is juis waarom dit verstandig is om jou eiendomsversekering minstens een keer per jaar te laat hersien. Nie omdat jy noodwendig meer versekering wil hê nie, maar omdat jy seker wil wees dat jou dekking nog by die werklike vervangingswaarde van jou eiendom pas. ’n Laer premie klink aanvanklik aantreklik, maar dit kan baie duur word wanneer ’n eis ingestel moet word.
’n Goeie finansiële raadgewer sal jou nie net vertel wat jy wil hoor nie. Soms beteken goeie advies juis dat iemand eerlik genoeg is om uit te wys dat jy moontlik onderverseker is, al beteken dit jou premie gaan effens styg. Daardie ongemaklike gesprek vandag kan jou môre honderdduisende rand spaar.
Baie mense besef ook nie dat eiendomsversekering nie noodwendig saam met hulle ander batebeskermingsversekering op dieselfde polis hoef te wees nie. Die belangrikste is nie waar dit verseker is nie, maar dat dit korrek en volledig verseker is teen ’n mededingende premie en met die regte dekking.
Finansiële beplanning gaan uiteindelik nie net oor die opbou van welvaart nie, maar ook oor die beskerming daarvan. Jy werk hard om bates op te bou; maak seker jou dekking is net so hard aan die werk om jou gemoedsrus te beskerm.
By Tempo Finansiële Dienste glo ons dat goeie batebeskermingsversekering meer is as net ’n polis. Dit begin met die regte waardasie, eerlike advies en gereelde hersiening, sodat jou grootste bates beskerm bly wanneer jy dit die nodigste het. Want die beste tyd om vas te stel of jy korrek verseker is, is lank voordat jy ’n eis moet indien.
Skakel Tempo by 011 749-7300 of e-pos [email protected]
FSP no: 54445
