6 Februarie 2025
‘n Gautengse man wat skuldig bevind is aan die verkragting van ‘n minderjare, Mark Duffar-Roberts, word deur die polisie gesoek, nadat hy nie vir sy vonnisoplegging by die hof opgedaag het nie.
‘n Lasbrief vir sy inhegtenisneming is uitgereik vir minagting van die hof.
Hy ontduik sedertdien die owerhede.
Die Suid-Afrikaanse Polisiediens (SAPD) glo dat hy nog in die Centurion-omgewing beweeg en doen ‘n beroep op die publiek om enige inligting oor Duffar-Roberts aan te meld.
Duffar-Roberts is 39-jaar oud, het groen oë en verskeie tatoeëermerke.
Saaknommer: LYTTELTON CAS 159/05/2019
Ondersoekbeampte: Adjudant Offisier (A/O) Nel
Polisiestasie: SAPS Moot, Gauteng
Kontaknommer: 071 675 7490
Die Polisie sê indien enige iemand inligting oor sy ligging het, moet hulle hom nie self probeer nader nie, onmiddellik die ondersoekbeampte of naaste polisiestasie kontak.
