‘n Boer in sy vyftigs van Westonaria – aan die weste van Gauteng – sterk in die hospitaal aan nadat hy Sondagoggend drie keer raaksgeskiet is tydens ‘n plaasaanval.
Adriaan Vos sê sy honde was omstreeks 01:00 onrustig waarna hy ondersoek ingestel het.
Vos het van die aanvallers probeer wegjaag, maar is by ‘n hek voorgelê waar hulle op hom geskiet het. Hy is een keer in die skouer gesit, en die koeël sit nou langs sy long. Hy is ook twee keer in die been geskiet.
Netwerk24 berig dat hy daarin kon slaag om hulp by ‘n buurman te kry en dat sy opstal heeltemal afgebrand het nadat dit deur die aanvallers aan die brand gesteek is.
Vos het verder aan die nuusdiens gesê dat hy dankbaar is vir elke sekonde wat hy leef nadat hy die aanval oorleef het.
Een van sy drie honde het doodgebrand en hy het ook troetelvoëls in sy huis gehad.
