12 November 2024
Die departement van basiese onderwys het gerugte ontken dat dit belastingbetalers R3,6-miljard gekos het om eindeksamen vreaestelle vir dié jaar se matriekgroep te druk.
Dit kom nadat City Press Sondag ‘n berig gepubliseer het waarin daar beweer word dat die koste vir die druk van vraestelle drasties toegeneem het, en dat die prys nou tussen R1-miljard en R3,6-miljard wissel.
727 121 voltydse kandidate lê vanjaar se matriekeksamen af.
Die departement het egter vroeër vandag in ‘n verklaring gesê dat die totale koste vir die vyf weke lange matriekeindeksamen R3,6-miljard beloop insluitend dje opstel van die vraestelle, die merk daarvan, drukkoste, die vervoer van vraestelle en veiligheidsdienste.
Volgens die departement kos dit tussen R3 800 en R4 000 per kandidaat, wat sewe vraestelle skryf.
