‘n Deel van ‘n SpaceX Falcon 9-vuurpyl het volgens berigte vanoggend op die Maan neergestort nadat dit langer as 18 maande deur die ruimte beweeg het.
Die boonste deel van die vuurpyl, ongeveer so groot soos ‘n vyfverdiepinggebou, het glo teen nagenoeg 8 700 kilometer per uur die Maan getref.
Nasa sê die botsing hou geen gevaar vir die Aarde in nie, maar sterrekundiges hoop om die gebied waar die impak plaasgevind het, te bestudeer.
Kenners waarsku egter dat die toenemende hoeveelheid ruimterommel ‘n uitdaging vir toekomstige ruimtemissies kan inhou.
