Brandbestryders is steeds besig om die brande op Tafelberg en Rooiheuwel in Kaapstad te beveg.
Brandbestryders van SANParke het vroeg vanoggend gesê dat sterk wind weer brande teen Tafelberg – wat reeds onder beheer was – weer laat opvlam.
Die burgemeester van Kaapstad, Geordin Hill Lewis het in ‘n plasing op X gesê dat die wind stiller is, en daarom voel hy versigtig optimisties dat die vlamme vandag geblus sal word.
SANParke sê dit is veral die gebied van Rooiheuwel tot by Da Gamaparkwaar die gevaar die grootste is.
Helikopters – tesame met die Kaapstadse brand- en reddingsdienste – word ingespan om ‘n brand by Red Hill in bedwang te bring.
Staproetes by Nuweland en Duiwelspiek bly gesluit terwyl brandbestryders voortgaan om die brand in die Nuweland Skeurvalley- wat slegs vir grondspanne toeganklik is – te probeer blus.
https://twitter.com/theinformant_x/status/1894690515175542908
